Са святам, родная мова!
Святкаванне дня роднай мовы для выхаванцаў ясляў-сада №37 г. Ліды стала традыцыйным.
Гэты дзень заўсёды насычаны рознымі мерапрыемствамі. Не стаў выключэннем і гэты год. Зранку з усіх куткоў былі чутны “Добрай раніцы”, “Віншуем вас!”, “Запрашаем, калі ласка!”. Вось з такіх прыемных слоў пачынаўся гэты дзень. У кожнай групе арганізаваны выставы малюнкаў “Маё любімае беларускае слова”, выставы для бацькоў “Кнігі на роднае мове”. Дзяцей чакалі гульні-заняткі, пад час якіх яны даведаліся шмат новых цікавых слоў на роднай мове, пагулялі ў беларускія народныя гульні.
На бацькоўскім сходзе абмеркавалі пытанні выхавання грамадзяніна нашай краіны. У рамках правядзення сходу былі падведзены вынікі конкурса чытачоў “Мае любімыя творы на роднай мове”, удзельнікі якога ўзнагароджаны дыпломамі. Кульмінацыяй свята стала дэфіле ў беларускіх нацыянальных касцюмах. Выхаванцы прадэманстравалі касцюмы, якія створаны рукамі нашых выхавальнікаў і бацькоў.
Спадзяемся, што гэты дзень застанецца на доўга ў памяці нашых выхаванцаў і бацькоў!
Фотасправаздачу глядзіце тут.
