Падзяліліся вопытам з калегамі
30.01.2019 прайшлі калектыўныя прагляды сумеснай дзейнасці выхавальніка дашкольнай адукацыі з дзецьмі на тэму: "Фарміраванне ў дзяцей нацыянальнай самасвядомасці праз азнаямленне з прыродай Беларусі сродкамі розных відаў дзіцячай дзейнасці".
Выхавальнік Казлоўская Марына Данілаўна разам з выхаванцамі другой малодшай групы адправіліся на сельскі падворак, дзе пазнаёміліся з хатнімі жывёламі і птушкамі, пагулялі і адпачылі. Марына Данілаўна надае значную ўвагу ў сваёй рабоце выхаванню нацыянальнай самасвядомасці ў дзяцей, і выдатна праведзены занятак сведчыць аб сістэматычнай і плённай працы ў рабоце з дзецьмі па дадзенай праблеме.
Выхаванцы сярэдняй групы разам са сваім выхавальнікам Куцкель Веранікай Леанідаўнай апынуліся ў лесе. На працягу занятка дзеці ўспомнілі правілы паводзін у лесе, навучылі гэтым правілам непаслухмянага хлопчыка Пецю і ўвогуле выдатна справіліся з усімі заданнямі, за што і атрымалі медалі "Юны эколаг".
Перад выхаванцамі старшай групы выхавальнік Санцэвіч Таццяна Юр'еўна паставіла нялегкую задачу: расчараваць жывел лесу. Дзяцей чакалі загадкі, цяжкія практыкаванні, дзе яны змаглі прадэманстраваць усе свае веды і ўменне размаўляць на нашай роднай беларускай мове.
Фотасправаздачу можна прагледзець тут.
