Павіншавалі мову са святам
Штогод 21 лютага ва ўсім свеце адзначаецца Міжнародны дзень роднай мовы. Праводзіць гэты дзень асабліва, стала традыцыяй для нашай установы.
На працягу цэлага дня дзейнічала акцыя “Гавары са мной па-беларуску!”, якую падтрымалі і бацькі і супрацоўнікі. Так, гэты дзень пачаўся з мелагучнага “Прывітанне!”, “Добрай раніцы!”. На працягу дня выхаванцаў чакалі гульні і заняткі на роднай мове. На іх яны успомнілі , як апраналіся нашы продкі, з чым гулялі, што елі і як бавілі час. Цікавым і запамінальным стала дэфіле ўдзельнікаў конкурса на лепшую сумку для пакупак “Торбашоў”. Выхаванцы яшчэ раз напомнілі ўсім, што адказ ад паліэтыленавых пакетаў – гэта вялікі крок наперад у захаванні нашай планеты і ў чысціні роднай зямлі. Кульмінацыяй свята стала музычная забава “Гуляй, Масленіца!”, на якую завітала цетка Масленіца, якая не толькі весяліла гульнямі і карагодамі, але і пачаставала пахучымі блінамі і духмянай гарбатай. Не пакінулі без увагі наша свята і Зіма з Вясной, якія спрачаліся без перапынку на конт таго, хто з іх самы галоўны.
Педагагічныя работнікі ў гэты дзень мелі магчымасць паспрабаваць свае сілы ў веданні роднай мовы. Да іх увагі быў прапанаваны тэст “Ці ведаеш ты родную мову?”. Увогуле дзень быў насычаны цікавамі падзеямі, якія, мы спадзяемся, пакінулі добрыя ўспаміны. Са святам, родная мова!
Фотасправаздачы
Дзень роднай мовы глядзіце тут
Торбашоў тут
<iframe allow="accelerometer; autoplay; clipboard-write; encrypted-media; gyroscope; picture-in-picture" allowfullscreen="" frameborder="0" height="384" src="https://www.youtube.com/embed/k_OfRAl7uOU" width="683"></iframe><iframe allow="accelerometer; autoplay; clipboard-write; encrypted-media; gyroscope; picture-in-picture" allowfullscreen="" frameborder="0" height="384" src="https://www.youtube.com/embed/9dQ9xHVXYKo" width="683"></iframe>
