Акцыя «Птушкі ля кармушкі»
Нашы выхаванцы далучыліся да традыцыйнай акцыі "Птушкі ля кармушкі", якую ладзіць грамадская арганізацыя «Ахова птушак Бацькаўшчыны».
Мерапрыемства нагадвае пра тое, як важна падкормліваць пярнатых у халады, а таксама дазваляе адсачыць змены ў папуляцыях вераб'іных, каб потым своечасова на іх адрэагаваць.На працягу некалькіх дзён выхаванцы назіралі за птушкамі, якія наведваюць кармушкі. А выхаванцы групы №8 нават змаглі зрабіць фотаздымак гасцей сваёй кармушкі.
Заклікаем усіх падтрымліваць птушак у суровыя марозныя дні: па-першае, птушкі адчуваюць недахоп корма з-за снегавога насцілу, па-другое, ім патрабуецца больш энергіі, а значыць – больш ежы. Кожны можа без асаблівых высілкаў падтрымаць птушак – зрабіць простую кармушку, якая стане сапраўдным паратункам для дзясяткаў вялікіх сініц, вераб’ёў, зелянушак і іншых гасцей!
Фотасправаздачу глядзіце тут.
па матэрыялах сайта
ГА «Ахова птушак Бацькаўшчыны»
